Shoolari Choornam:
Malayalam referance: ശൂലാരിചൂര്‍ണ്ണംPreparation of ശൂലാരിചൂര്‍ണ്ണം:
ചുക്ക്, മുളക്, തിപ്പലി, വെള്ളുള്ളി , ഇവ പത്തു കഴഞ്ചുവീതം. വിളയുപ്പ്, കടലുപ്പ്, ഇന്തുപ്പ്, ഇവ അഞ്ചു കഴഞ്ചുവീതം. പരുത്തിക്കുരുപ്പരിപ്പ്, കടുക്, എള്ള്, കറിവേപ്പിലയുടെ പൊടി, ഇവ ഒരു പലംവീതം. അതിവിടയം, വരട്ടുമഞ്ഞല്‍, അക്രാവ്, ഇരട്ടിമധുരം, അയമോദകം, തുവര്‍ച്ചിലക്കാരം, കായം രണ്ടും, വിഴാലരിപ്പരിപ്പ്,ജീരകം രണ്ടും, ഏലം, ഇലവര്‍ങ്ഗം, പച്ചില, കുടകപ്പാലയരി, വാല്‍മുളക്, കാട്ടുമുളകിൻവേര്, താലീസപത്രി, ചീനക്കാരം, ചവര്‍ക്കാരം, ഉലുവാ കുന്തുരുക്കം,ചിറ്റരത്ത , കരിങ്ങാലിത്തൊലി, പൊരിക്കാരം, ഇവ മൂന്നുകഴഞ്ചുവീതം. ജാതിക്കാ, ജാതിപത്രി, ഗ്രാമ്പൂവ്, ഇവ രണ്ടുകഴഞ്ചുവീതം. ഇവ എല്ലാം കൂടെ പൊടിച്ച് ഒരു കരിമ്പിടക്കോഴിയെക്കൊന്ന് തല, തൊലി, കാല് ,കുടല്, മലം, ഇവ കളഞ്ഞു വയറുകീറി അതിനകത്തു വാരിനിറച്ച് കൂട്ടിത്തയ്ച്ച് ഒരു കലത്തിനകത്തു കുറുകെകമ്പുവെച്ച് അതില്‍ കെട്ടിത്തൂക്കി നാലിടങ്ങഴി വെളളമൊഴിച്ച് ചട്ടികൊണ്ടടച്ചു ശീലമണ്‍ ചെയ്ത് ചെറുതീയെരിച്ച് വെളളമെല്ലാം വറ്റി കൊഴുപ്പു ശേഷിക്കുന്ന പാകത്തില്‍ വാങ്ങി തണുത്തതിനുശേഷം അടപ്പു തുറന്ന് എല്ലുകള്‍ കളഞ്ഞ് മാംസവും കൊഴുപ്പും എടുത്ത് മര്‍ദ്ദിച്ചു യോജിപ്പിച്ച് ഓട്ടിലിട്ടു വറുത്തു പൊടിച്ചുവച്ചിരുന്ന് ഒരു താന്നിക്കാ പ്രമാണം വീതം പത്ഥ്യാനുഷ്ഠാനത്തോടുകൂടി കാലത്തും വൈകിട്ടും സേവിക്കുക
Indications of ശൂലാരിചൂര്‍ണ്ണം:
പലതരത്തിലുള്ള ഉദരശൂലകള്‍, അഗ്നിമാന്ദ്യം, ഗ്രഹണി, ഇവയും കുട്ടികളുടെ മെലിച്ചിലും ശമിക്കും
Referances
Sahasrayogam
Kotakkal Ayurveda - Mother land of modern ayurveda
